De ferkiezing
yn it kafee sieten se om ‘e rûne tafel
net al te helder, it ferstân op nul
mar ien ding dêr wiene se it oer iens
de polityk wie hjoed de dei mar in nuver spul
it kin sa net langer, it kin sa net mear
dêr moast in oar regear komme
en de kastlein tocht wêr ha se it eins oer
en hold him wyslik fan de domme
Hedy mei harbesunigingen, is it net mal?
it giet my allegearre boppe de pet
en sis no sels fan dy neteskiters út den Haach
hat dochs gjin minske ferlet
wy moatte spikers mei koppen slaan
Wim Kok syn post wol ik wol oernimme
dan nimsto die fan Brinkman of Lubbers
of moatte wy dêr earst offisjeel oer stimme
it giet lang net goed mei de politiek
May-Weggen fan dat frommes haw ik genôch
ik sis jimme as ik oan it roer stie
gong die frekte Betuwelijn net troch
altyd mar fan alles tasizze
en al die subsydzjes dat is neat
ik sis it jimme rjocht foar de raap
smyt dy allegear mar yn ‘e sleat
Wy moatte in koalysje foarmje
Hee, kastlein jou ús noch mar ien
wy binne wol wat mânsk meiinoar
wy hawwe dit efkes kreas dien
ûnder de lampe yn ‘e rikkerige romte
woene se net foar mekoar ferblikke
en oan ‘e tafel fol mei glêzen
wie de ferkiezing yn trije kertier beslikke.
Geartsje